réflexion sur le chti
par Marie-Claire le, 16/06/2006In réponse à c' que Bernard i dijot dins sin sujet (aux amoureux del rue Duquesnoy (2)) y a pas d' problème pour le chti Bernard, ché djà bien, eh pis nous in fait pas dins l' trop "académique" non pus
j' vas vous dire franch'mint y a qu'eune cosse dù que j' fais un tchiot peu attintion ch'est chés règues d' grammaire, passequ'in chti ou in français cha reste les mêmes
mais quand in l'a parlé in sait l' écrire et j' diros même que quand in l'comprind, qu'in l'a intindu parlé toute s' n'infance, même si in l'a jamais parlé , in finit par savoir l'écrire aussi
et j' parle d'expérience ... y a deux ans d' cha j'avos jamais parlé ni écrit le chti, j'sus del génération dù qu'in nous dijot qu' cha féjot pas bien del parler, ben ch'est v'nu core assez vite à forche d' l'écrire tous les jours d'pis pus d' deux ans, bon ch'est vrai à un sacré rythme quand même ..., mais achteure quequefos quand qu' j'écris in bon français su ch'site ben cha m' fait tout drole, ché presque pus naturel
et pis aussi achteure i m'échappe des mots dins eune conversation dù qui n'a pas un qui comprind quequ'cosse, comme au traval et jé l' fais pas esprès
ou alors quand j' em fais des réflexions à mi même, cha m' vient in chti, ben ouais même si in l' parlot pas ch'est quand même nou langue maternelle, in peut dire comme cha