Les jardinsles patates al' pelaque Annie
par annie62110 le, 23/06/2006J'ai vu l'recette des patates à la russe, mi je l'connos sous l'nom d'faux frites, din l'famille les patates al l'pelaque ché un plat qu'in mingeo l'hiver
pour cha y fallo eune d'ché grande poele noire qu'in trouve pu ach't'heure. In metto gramin d'huile à cauffer, in disposo des patates lavées pas épluchées copées in deux din l'sens del longueur, d'sus in eparpillo des tranches d'ail et des rondelles d'oignon, in emietto du thym, in salo, in poivro et in laisso cuire à couvert cha imbaumo tout l'maison.
Quand chéto cuit chéto grillé in d'sous et fondant au d'sus, in dégusto cha avec des cornichons et eune tranche ed'paté qu'min père y savo si bien faire, pour peu qu'à midi in avo eu eune bonne soupe à rassacache in t'not dro din nos godasses.
Mes zinfants y zaiment aussi ché petotes au four, ché vrai qu'ché r'cettes ed famille plus al sont vielles plus in y tiens, j'vous parle pas d'sin lapin à mémére Thérése et d'sin bouillon à mémére Louise quand cha cuiso, t'avo l'impression d'in minger! adé tertous et bon appétit!!
