Les jardinsles zabattoirs d' Bruay
par minloute le, 25/06/2006en passant d'vant j'a fait eune première photo, et là j' sais pas pourquoi j' su rintré d'dins, i avo des gins d'vant ch' premier batiment à droite et j'a été d'mindé pour visiter
quoqu' j'avo pas d'mindé, y a un monsieur qui m'a pratiqu'mint pris par le bras et in a fait l' visite in long en larche, achteure ché bin sur des services techniques d' la ville ed Bruay qui sont ichi, pas beaucoup d' traces des anciens abattoirs, in vo bin dans eune paire ed pièches les rals au plafond qui zont laissés du qu' ché bietes tuées ale zétotent accrochées par des crochets
pi dehors i a cor eune paire d'anneaux du qu'in accrocho les vaques et les boeufs avant d' les tuer , chéto des méthotes plutot rudimentaires ou plutot des méthotes qu'in accepte plus achteure, l' biete as' préno un coup d' merlin , un espèce ed gros martiau, au milieu du front et crac té pouvo et' sur que l' biete al' éto déchindu en un coup
par conte l' monsieur i avo connu ché zabattoirs qui fonctionnotent cor, i m'a montré un endroit du que chéto des tchiotes cases, là in i metto chés tchiens, ouais en fait chés tchiens qu'in trouvo à divaguer din l' rue i zétotent enfreumé ichi, et si y a pas personne qui v'notent l' réclamer , au bout d'eune semaine, i éto tué li aussi mais j' espère al' reflexion qui allo pas arjointe eune fois tué, l' tas d' viante qu'in allo vinte aprés à ché bouch'ries
vous m' direz , j' su sur qu'in a tous mingé un jour sans l' savoir du cat ou du rat in tout cas cha ché min sentimint
( 2 photos)
