ma maison préférée
par minloute le, 25/06/2006ma maison préférée cha s'ro pas un bio chalet ou eune grante mason qui nin impose , nan cha s'ro plutot l' contraire
mi j a vraiment ker ché masons qu on trouffe dans l arriere pays du coté d' montreuil sur mer, fruges, hesdin
tchtiotes masons sans étages , tassées sur elles memes comme si as' protégeotent du vent, tchiotes farnietes pour donner l' moins d' prise possipe aux zembruns , vieles tommetes en terre cuite au sol, grante kéminée qui auro d' quo saquer d'dins quand arriffent l automne et l hiver
toiture en pannes flammantes, avec eune panne faitiere toute ed guingois, qu ale a du subir tous ché temps possipes et inimaginapes, qui ont fait vriller ch' bo jusqu à c' qui trouffe s' plache définitiffe, l' toiture ale a l air ed faire des vagues , mais ale tiendra cor eune paire ed décennies sans problemes
un tchtiot gardin sul' devant du qu in mettro des zerpes pour l' cuisine
vlà min reffe
mais alors minloute , ché un reffe irréalisappe, certain'mint, j' me vo pas finir em' vie din ch' pas d'calais, l' solel du sute i m' minqu'ro d' trop mais j' su sur au fond d' mi meme , que j su accroché à chte région et que j y artournerai bien jusqu à la fin dem' vie