eune sacrée révolution pour aller à La Napoule

pendant un bon momint, chéto in train qu' in r'joigno La Napoule, chéto un long momint, eune aventure, comme si ch' séjour is' mérito , ou aussi pour es' dire, vraimint in va loin, ouais pasque chéto pas cor el mote d' aller in Tunisie, in Grèce, aux Baléares , ou alors chéto réservé aux plus fortunés
mais j' arprinds un truc que j' a d'jà dit qui faijo hurler min père
ché vrai ché personnes agées dins zin aéroport ché pas évident, alors i zétotent conduit presque comme des tchiots d' peur d'in perte un en route
mi j' auro eu plus peur qui a un décroch'mint d' dentiers si y a eune dépréssurisation ou alors un trou d air, imaginez cha toute eune rangée d' artraités qui perd in même temps sin dentier, cha f' ro d' abord "plouc", quand cha quit'ro l' machoire, pi aprés i faudro s' méfier, j' su sur que ché zotesses ed l' air ale zont du avoir eune formation conte cha , imaginez un dentier qui print s' n'élan dinl' cabine , cha d' vient eune sacrée arme, pire qu' un nouchaquou chinois, j' su sur qu' ale zont du avoir des cours ed cat raté pour esquiver cha, bin ouais imaginez un dentier qui s' plante comme cha dins l' bras, d' abord cha do faire mal, pi aprés i faut l' artirer, faut des pinches, un démonte peneu , et j' sais pas si i zont cha dins ché avions
nan , in arrête ed rigoler, c'qui faijo hurler min père, chéto les r'commandations qu' in donno à ché zartraités en arrivant à La Napoule, chéto eune dame qu' ale leur a dit cha , i fallo qu' ché gins i fassent attention à pas parler trop fort ni patois dins ché rues d' La Napoule ou d' Mandelieu, "pasqu' in éto d'jà arpéré"
que bétisse , que peu d' considérations pour ché gins qui partotent en vagances, ché zartraités si i parlotent que patois , chéto nin d' leur faute au fond, alors cha cha avo l' pouvoir d' énerver min père ........