au lavoir mon loisir
par minloute le, 28/06/2006cha cha m' a bin posé des questions chte magasin là
d' abord j' compreno pas que ché femmes ale fassent l' lessiffe mais qu' ale donnent du linche à laver par d' autes, et pire, chéto des zommes, des zommes qui avotent eune blouse blanque , comme des chirurgiens
quand té rintro dinch' magasin, této pris par l' odeur commint dire, eune odeur d' humidité caute, j' sais pas commint dire mieux cha in patois, i avo des grandes machines à laver , des maousses , du qu' in voyo toudis du linche tourner , qu' in voyo par ché hublots des machines
i faijotent l' tournée aussi pour ram'ner ch' linche, i zavottent d' grands paniers in osier et i déposotent cha l' sam'di aprés midi ale mason
ch' ché pas si ch' magasin i est cor ouvert , in tout cas i a cor l' publicité, ch' magasin i éto juste avant l' caisse de s'cours dins l' rue d' la gare
pi al' reflexion in peut cor es poser des questions "du lavache à sec" commint qu' on peut faire pour laver sans mouiller ch' linche, pas clair ch' c' t' histoire là ....
( 1 photos)