l'envers du décor d' La Napoule
par minloute le, 03/07/2006La Napoule in in parlo cor souvent dins ché magazines relais, bruits et lumières, la lampe au chapeau
La Napoule, comme Menton, comme Berck avec l' hotel Régina
c' qu in metto moins en avant chéto ché centres ed cure pour les maladies pulmonaires
in y r'trouvo pas mal d' malates del silicosse, y avo deux grands centes, Vence dans l' sute, sul' cote d' Azur et pi Hauteville Lompnes, dans l' Ain
j éto tout tchiot , j avo 6 ans , chéto en 1966, et y est parti eune paire ed mos là bo
mi j a pas d' souv'nirs d' séparation , mais j' me souviens que m'mère , j éto avec elle , ale avo pleuré eune fo al' messe, oh al' reflexion ale devo pleurer l' soir in cachette , in tout cas pas d' vant mi
pi pendant ché grandes vacances , m' mère et mi in a été en vagances dins l' villache d Hauteville Lompnes dans l ain
ché là qu' min père i a été, et li chéto nin graffe, j' me souviens qu in a été vire des copains à li , enfin des gins qui connaisso aussi d' Bruay, i zétotent dans d' autes sanatorium, et i n avo qui avotent du maux à respirer, surtout un que j avo à peine aperchu pasqui avo eune champe d ouverte, i avo des tuyos dinl' nez et des bouteles sul' coté
pour em' mère et pour min père cha a été des r'trouvailles, nan in a pas eu d' petit frère ni de ptite soeur, faut dire m' mère ale avo alors 46 ans et min père 57
mais mi j in garte deux souv'nirs, d abord in a beaucoup visité l' région et d' sortir comme cha à min ache d' l inviron'mint d' bruay, vire des sapins, sintir ché fleurs sauvaches, cha m avo bin marqué
pasque min père i savo fait déchinte s' voiture par un camarate, comme cha i pouvo l' aprés midi nous faire visiter tout c'qui avo autour
l aute souv'nir ché d' vire qui n avo qui étotent grand'mint arringés et qui zavotent du mau à respirer ...