les journées à la mer
par Marie-Claire le, 04/07/2006Quand j'étos à Enquin les mines, in étot à peu près à 50 kms d' la mer , alors in partot pour el journée l' dimanche, pas tous les dimanches passeque min père i féjot les postes
In allot soit à Merlimont soit à Berck ou à Stella ou Hardelot
Et c' qui étot important pour min père, même si i oubliot pas sin caneçon d' bain comme dijot m' grand mère, chétot d' importer c' qui fallot pour minger l' midi, in i aurot pas fait avaler un sandwich ou aute cosse d'rapite sous prétexte qu'in étot à la mer
tupperware d' salate d' tomates, tupperware d'pos d' chuc, gambon, et j'in oublie, fromache , dessert , y avot tout et i fallot aussi chelle tape et chés cayelles d' camping
mi à ch' t'époque là j' comprenos pas , pour mi in allot à la mer in pouvot minger vite fait l' midi, chétot pas cha l' plus important, chétot même du temps perdu
et pour ch' repas in arvenot dins l'arrière pays, dins chés tchiots bois alors pour cha l' forêt d' Hardelot chétot parfait
j' comprenos pas mais cha m' laisse des bons souv'nirs quand même