ichi ché calme
par minloute le, 05/07/2006ch' match i est terminé d'puis un quart d heure , et ché là deuxieme fo qu in intind passer eune carette qu ale klaxonne
bon, j écris cha mais tout douch'mint pasqui faut que j' vous zexplique pourquoi .....
ichi duq' j habite, dinch' villache i a beaucoup d' portugais, fils ou files d' immigrés portugais qui sont v'nus travailler par ichi aux usines d' gasse ed lacq
l' preuffe , jel diso cor à m' femme in rintrant du traval, dinch' villache , i avo plein mais plein d' drapeaux portugais, et 2 drapeaux francais seul'mint, dont 1 chéto ch'ti del gendarmerie
"
ah cha y est ché carettes ale passent en klaxonnant ......
mais cont' l ' espane et l' bresil , cha arréto pas d' gueuler, trompes, trompettes et là ché plutot calme en rapport que ché la finale qu in va aller juer
ché à dire que ché francais portugais, là i zétotent portugais et ch' coup chi i va leur falloir eune paire d'heures pour ardevenir francais ....... j' cro que meme i sont dja ardevenus francais vu qu' cha comminche à sérieus'mint buquer dins l' rue