le pipeau à l'école
par Marie-Claire le, 06/07/2006hier minloute i parlot s' ses souv'nirs d' cours d' musique à l'école, cha m'a rappelé mes exploits au pipeau
J'étos pas non plus douée in musique, et pourtant j'avos un père et un grand père musicien , eux i juottent dins l' harmonie des mines d' Grenay, enfin bon j'avos pas hérité d' cha
pour arvénir à chés cours d' musique, in avot un pipeau aussi, ché un classique os m' direz cha s' fait core achteure, nous i fallot l'acater, i n'avot des blancs et des noirs, l'mien i étot noir
comme j'étos pas plus douée au solfège j'avos trouvé eune solution pour pallier à m' inaptitute musicale quand i fallot juer toute seule
j' numérotos chés notes, chés chiffres cha m'a toudis été pus parlant ..., alors sous chés notes j'arportos l' numéro du tro de ch' pipeau et au lieu d' suiffe chés notes , j' suivos chés numéros qui correspondotent dins m' tête à chés tros du pipeau et j' m'in sortos comme cha