Les jardinsché colonies d' vacances
par annie62110 le, 06/07/2006Y fait biau ,in est in juillet et pou l'première fos j'm'in vais in colonie j'fait partie de l'première session, j'ai tout mes zaffaires din eune tiote valise, mes parins y sont la, eux aussi y vont s'arposer j'm'in va avec em'tiote soeur.
Déja din l'autobus al rale parc'qu'al est avec ché zinfants d'six ans, ché monitrices al finissent par l'assire à coté d'mi al s'calme et j'vas pouvoir profiter de ch'paysage, oh!in va pas bin loin à "bussus bussuel" din la Somme.
Arrivées la bas in nous sépare vu qu'in n'a pas l'même age alors la j'cro que s'monitrice al comprin c'qui l'attind, mi j'éto bin la bas, in eto toudi in train d'juer in mingeo bien, j'aimo surtout l'matin et ché grands bols ed café au lait ou d'chocolat.
yavo qu'un hic ché qu'trois ou quatre fos par jour in v'no m' caire, tiote soeur al leur faiso tout vire j'éto l'seule à pouvoir l'calmer, eune fos y zont du s'résoudre al mettre coucher avec mi, j'ai même passé eune après midi à l'infirmerie, parce qu'al s'rindo malade, j'auro mieux fait d'rester avec elle al maison!
Quand in est rintrées al maison ché elle qu'in a plaint, l' pauv'tiote al s'innuyo d'ses parints, ché drole eune fos qu'al éto avec mi al s'in'nuyo pu. J'sus pu jamais r'partie, mais comme j'l'aimo bien je n'ai pas voulu à tiote soeur! Al est partie trop tot et am'manque.
