escusez me mais j ai un métier

bon c' soir pas d' sujets, nan
j ai du boulot, j' vous zexplique, grand mère (m' femme) ale a parti dans les lantes eune paire ed jours, alors là mes gins cha ché du r'pos, té rinte l' soir, t as que ché cats à t occuper, eune caresse, à minger , pi té tranquile

pi aussi té minches c' que té veux, té minches quand té veux, té fais l' vaisselle quant té veux.......
bref, ale arvient d' main ,et ché là que j' me pose eune question, mais commint qu' ché possipe qu in ait tant d' trucs à laver quand qu on fait à minger, que ché du boulot d' ringer ché vét'mints, d' passer un coup d' balai dins l' mason,
bon zavez compris, et pi y avo Eric Gallet , dinch' liffe d'or qui voulo que j' l y donne un coup d' main sur bruay, mais commint que j' pourro mes gins, inter ch' boulot, ché randonnées, ouais j éto parti tout vendredi et tout diminche, mais à mon r'tour el' vaisselle ale éto pas faite, j avo bin essayé d' affamer ché cats pour qui lechent ché zassiettes , rin n y fait, pi cor faut qu' j arrosse ché fleurs , ché plantes, faut dire que si j' le fais pas , vont printe un coup d' louchet ché sur ....

alors vous voyez l' traval colossal qui m attind , plus que j'su djà mate avint d' commincher, mais faut l'faire, imaginez , d'main al' rinte et ché l' brin, l' soir quand que j' rinte et patati et patala, ché quand meme pas compliqué d' met' ch' linche prés d'la machine, j' te d'minte meme pas d' mette in route l' machine, cor heureux et quand que j y pense cha fait vingt ans que t as jamais mi eune machine in route
alors ale arpart such' repassache , ouais ch' repassache j' t as vu faire un coup, cha m a suffit , té pas patient , ah mais commint qu' té f'ro sans mi

là j' l y réponds , bin i in auro eune aut' at' plache , m' file

et ché là que ché délicat, pasque si quand que té va t' couquer , t essaie eune approche , j' a pas dit eune tentatiffe, j a dit eune approche, at' dit , oh j' te vo v'nir ti avec tes grands sabots, j' su mate d avoir ringé tin brin
donc es' soir , j a du boulot mi, ché un métier d' tout ringer
priez pour mi mes gins