Les jardinsché grandes ziaux
par annie62110 le, 24/07/2006Mi j'avo ker, quand m'mère al faiso l'lessive l'été, dins l'cour chéto les grandes ziaux, ché zécologistes y zaurotent vu cha, y zaurotent crié au scandale!
L'iau al coulo tout l'matinée pour rincer ch'linge, mes soeurs al juotent din ché flaques et mi j'aido m' mère, in èto aussi fraiques que ché draps, mais chéto tell'mint agréape.
Après l'essorache, n pindo tout dins ch'gardin in plein soleil, cha sinto bon, in rien d'temps ché cordes al zétotent pleines
mais au bout d'in momint, ché tiotes al faisotent ed travers, alors chéto fini pour mi d'patauger, y fallo que j'va les prom'ner, mais bon! j'avo quand même bin profité, pour mi chéto l'piscine, la mer, eune tiote évasion din l'iau du coron, faut dire qu'à ch' t'époque là ,al éto gratuite, in n'avo mème pas idée qu'in pourro l'payer un jour!!!
