Les jardinsl'cuisinière l'été
par LA CLO le, 25/07/2006Cha va rapler des souv'nirs surtout aux lectrices : Y avot des momints où i faisot tellmint caud qu'in allumot pas l'cuisinière. (in a déjà expliqué quemint qui fallot netchier l'feu del cuisine tous les jours) Alors là in devot faire à fond les plaques du d'sus d'feu, frotter mettre du zébracier, del'suie fine pour briller et m'mère al m'faisot mette sur un chiffon queques gouttes d'huile à salade sur tout l'dessus in essuyot pour pas qu'cha soit gras un mettot du papier journal pour protéger et in r'mettot ch'couverque del'cuisinière. Là sur l'dessus du couvercle i avot toudis un beau vase avec des fleurs du gardin, et bien sûr j'allos oublié, un napperon, bien amidonné surtout. Voilà l'décor est planté.
