la soupe au carbon

l'histoire sur la soupe au carbon, c'est ma mère qui l'a écrite :


Voilà, ej’ vas vous raconter l’histoire de m’grand-mère Maternelle. Elle s’appelot Maria. Ch’étot inne sacrée Mamie. Elle a eut huit jonnes, inne grinde famile, 1 file et 7 garchons, tous mineurs à Lens. Elle n’arrêtot point d’travailler. Faut avoir du courache pour bien les élever. Faut dire aussi que dans l’temps, chés fils donnotent des rutes cops de main à leur père. Ils rentrotent des mines avec li et insuite, ils allotent travailler din ch’gardin pou cultiver chés légumes et nourrir chette famil ed courageux.

Pindint l’semaine, le soir, les garchons allotent répéter la musique à Annezin, al salle des fêtes. Ch’étot aussi des bons musiciens.

Leur file, ch’étot m’mère. Elle n’arretot pas elle non pu ed donner des rudes cops mains à s’mère. Faut dire qu’avec inne grinde famil comme cha, m’mère elle étot toudis là.

Ach t’heure j’va vous raconter quetcosse qui est arrvé à m’grand-mère.

Ch’jour-là, elle avot décidé, pou ses mineurs qui allotent rintrer de l’fosse, ed préparer un bon bouillon. Elle avot mis sus ch’feu es grinde marmite avec tous ches légumes et pis aussi des pétites gambettes au lard. All s’dépêchot d’faire tout cha. Al faijot cuire es grosse soupe sus sin fu à carbon. Pou aller pu vite, mamie Maria al avot ayonné l’gueulette ed sin fu pou armette du carbon… Mais catastrophe, mamie Maria, elle s’avot trompée. In prenant s’pelle à carbon pou mette d’un ch’fu, putôt que d’soul’ver l’couvercle de ch’poele, elle a pris chti de s’marmitte ! Et tout y’a quéhut dins chés légumes pis l’viande avec !

Em pauve mamie, elle a tellemint brai de s’bêtisse.

Malgré tout elle n’a point perdu chin moral. Elle a ch’ter tous chés légumes, rassaquer les pétites gambettes au lard qu’al a bin rinchées à l’iau, et pis tou cha. Pas question de ch’ter de l’viante ! après elle a du arfaire des frites avec de l’salate, de l’moutarte, comme cha tous ches ouvriers n’ont pas mourrus d’faim et y s’sont bin pourléqués !

Elle s’avot bin arringée, pauve grind-mère. Quind in a du courache et de l’volonté on y arrife toudis. Alors on se dit aussi : on arquer toudis d’sus ses pattes, in perd pas l’Nord et VIVE LES CHTIS, ch’est les meilleux !

Ch’est mi, Renée qui vous a raconté cht’ histoire vraie, ch’est l’histoire de l’soupe au carbon chelle de m’grind-mère Maria (mais elle préférot qu’in l’appelle Elizabeth).

ouais, mariegroette, cha arriffe! j'ai vu d'mes yux m'grand-mére paternelle (mémé Jeanne) in faire autant,
après avoir ayonné ch'fu par l'gueulette, al' a pris s' pelle d'carbon et hop! din l'marmite d'pot au fu. j'ai pas eu l'temps d'bouger, ch'étot fait.
in a tout nettoyé à l'iau claire et in a r'mis à cuire din dé l'iau prope. cha a duré plus e'd temps qu'prévu, mais ch'étot bon quand même.
salut à tous et à+
pierrot