chés anciennes méthodes d' communication
par marie claire le, 02/08/2006minloute y a dit "avec marie claire in va travailler à l'ancienne" et i m'a v'nu eune réflexion , j'em dijos qu'in avot core chés bons viux réflexes , quand in peut pus communiquer aveuc chés technologies modernes , ben in pense tout d' suite à la poste , in pinse pas aux coulons voyageurs quand même .., mais l' courrier ché core dins nos réflexes
et in même temps j'em dijos qu' ché pas sur que nos jones i pins'rotent à faire cha
nous in est eune génération qu'in a pas tous connu l'téléphone pendant note infance et j' parle pas d' zordinateurs bien sur
pourtant in communiquot core gramint quand même mais par courrier et j'a core des paquets d' lettes que j'écangeos avec Charline par exempe, un tiot coucou à Charline ale ravisse ch' site mais ale a pas core osé parler ... mais cha viendra , donc j'étos in train d' dire qu'avec Charline in avot été séparées d' 50 kms , ben in s' écrivot souvint
achteure chés jones quand i sont séparés d'un copain si l'aute y a pas l' net j'a l' impression qui n'aurotent pas idée d'écrire
cha a fait aussi qu'in a gramint d' cartes postales anciennes d' toutes chés villes et même villaches, achteure à part d' chés lieux touristiques d' vagances in n'invot pus d' cartes postales non plus
bien sur qu'in est bin heureux d'avoir l' téléphone et l' net et d' discuter in direct , d'ailleurs in a du ma à s'in passer , mais quand cha va pus ben heureus'mint qui a core d'autes solutions , chés anciennes méthodes