ech' fumier (3)
par loumarcel le, 08/08/2006Ouais, min père aussi i vidot chés cabinets dins ch'gardin.
Avant i métot du sulfate ed fer, pour délayer et pour que cha sinte moins, un jour ou deux après, i prénot deux séaux et avec inne corte bin i quemincho à vider nos chiotes.
I ouvro ch'trou qui avo d'vant, dû qu'in s'asseyo pour faire, i lanço es séau et i armonto ch'brun liquéfié et avec deux séaux i allot ch'ter cha dins ch'gardin. Cha duro inne matinée, cha sinto pas la rose, mais après avoir fui (du verpe infuir) bin in avot des sacrés légumes et surtout des sacrés carottes que j'mingeo plus tard toutes crutes.
J'ai d'ailleurs jamais artrouvé l'goût d'nos carottes.