Les jardinsmes deux morceaux d'carbon d'Bruay
par bernard delmotte le, 18/08/2006Cha fait un bout d'temps que j' m'intéresse à ché minéraux et ché fossiles.
Je n'ai rammené ed tout partout où que j'sus passé, méme que m'femme elle voudrot que j'mette tout cha dans des cartons car , i n'a plein l'maison.
Y a bien des années, j'avos intrainé min pére au pied d' chterril du N°3 pour trouver des fossilles ed'fougéres.
Li, y connait bien tout cha, car yavot un peu plus d' douze ans quand y est déchindu din l'fosse là, l'premier coup.
I fésot une frodure ed leu.
In a caché, mi j'ai ramassé une gailette et min pére , i m'a tindu un caillou avec une fougére ed'sus , y m'a dit "tien garchon, té peul' garder, ch'ti là, cht'un biau".
Em Mére , quand in est rintrés, elle nous attindot avec un bon bouillon pour nous récoffer, elle a méme voulu mettre em gailette din sin fu.
Aujourd'hui, mes "deux morceaux d'carbon de Bruay" tronent in bonne plache au milieu d'em collection et en les voyant, à chaque coup, j'arpinse à min coin.
( 2 photos)
