Les jardinschansonnette
par Minloute le, 31/08/2004Hier ché point vieu en étant chez m’voisine
J’y faijot d’loeil car vraimint j’elle trouvo rupine
J’y dit in est tout seu titine
Faut profiter aujourd’hui in va rigoler
J’m’in va t’payer unne bonne tasse
Puisqu’et n’homme y est oint là
Viens vite ichi que je t’embrasse
I sera jamais cha
J'y fait in bess à bouquette
Et ni vu ni connu
Tout allo bien j’allo qu’mincher l’affaire
Rien d’y pinser vraimint j’fajot déjà bonne chair
V’la qua me dit quoi que vous allez faire
M’n’homme est jaloux, y sera pas contint de vous
Pour calmer chel résistance
Jy dit faut boire un coup
Alars jau plus d’aisance
Pour réussir min coup
J’y fait boire d’el chique mourette
Du vin épi d’l’anis
Ainsi qu’el étot pompette
J’el pousso vers sin lit
Tout d’in coup in tape à chel porte
L’homme éto là
Criant jurant d’une voix forte
Ah quoi té va m’faire atindre de la sorte
Taché ed m’ouvrir chel porte ou bien j’va démolir
Pensez si j’avo l’veinette
In intindant crier
J’arvettio par l’fernette
Si j’pouvo point sauter
Tout d’in coup l’porte a s’infonce
J’y crio arreter
J’ai archu pour toute réponse
Un marron a plein nez
Alors j’ai archu celle roule formidable
Pu qu’il crio qu qui tape ses vilains diapes
J’ né point mi pu chinq minutes à table
Pour débaler les trois étages des escaliers
J’m’infui comme un lache
In arrivant à mason
Y avo in aut à m’plache
In train d’faire el fonction
J’arvétio par l’serrure
Vlà l’résultat qu’ j’ai vu
Et bin chel drole d’aventure
Ché mi qui est cocu
Pour s’escuser em femme a dit qu’ché dem faute
Té négligeo pour aller vire l’femme d’un aute
Ah quoi t’em tiro d’la carotte
Si té rasé t’n é jamais qu’un voleur volé
