Les jardinsin l’met din l’carette
par Minloute le, 31/08/2004Premier couplet
Un bobino ché unne drole d’invintion
Ya grament d’gins qui l’on d’jà vu peut etre
Ché t’ unne carette qu’al conduit au pryon
Tous chés l’euveu qu’in r’trouve après la r’traite
Si par malheur in homme qui a trop bu
Et qui s’in va tout quintant dins chés rues
In l’prin et in l’met d’in l’carette
In l’prin et in l’met d’in l’carette
Second couplet
Au cabaret in pourra plus quinter
Y niora pu qu’les gins qui s’ront mait’es
Ni pourra pu boire à demi potée
Pourtant y in a qui botent par canettes
Tenez l’aut jour j’in ai vu
Des filles rosses et qui n’étottent pu
In les a point mis d’in l’carette
In les a point mis d’in l’carette
Troisième couplet
Un qu’in y a ben l’dro d’picher d’in ché rues
In vo par là qu’on est moinsse que ché betes
Car nous otes , cha nous est défindu
Si in est vu par in garde champetre
Y prin sin live y vous inscrit vous nom
Vous sans l’savoir si vous faites el’ méchant
Y vous prin y vous met d’in l’carette
Y vous prin y vous met d’in l’carette
Quatrieme couplet
Al sainte cécile, j’avo un compagnon
Qu’éto euveu mais comme les autes font fete
Y avo mis in biau pantalon et s’belle capote
Sin biau capiau sus s’tiète
Y avo bu d’pu l’matin jusqu’au soir
Quant y sa réveillé devenez d’u quiéto
Y éto rétindu d’in l’carette
Y éto rétindu d’in l’carette
Cinquième couplet
Mi comme et z’aute d’in temps j’ai gramin bu
J’ai pu d’un co artourné su m’ tiéte
Mais j’sus rangé à l’heure d’aujourd’hui
Car quand j’ai bu et sé qués su si biete
Achteure quand j’intre au cabaret
J’commande bin vite un canon d’iau chucré
Car j’ai peur d’aller d’in l’carette
Car j’ai peur d’aller d’in l’carette
