en parlant de marrons
par Domlama le, 24/08/2006Quand j'ai lu ch't'article sur ché marrons j'ai rpinsé à un truc que j'fais toudis aujourd'hui et qui m'vient de m'mémère Louise....
quand j'éto tiote et que j'm promeno avec m'mémère je l'veyo souvint ramasser un gros marron et l'mettre dins' poche... in jour j'y ai demandé c' qu'elle faiso du marron et al m'a répondu qu'ch'éto pour ses rhumatismes...
elle trituro souvin ch'marron dins s'poche et quand à la fin y ressorto de s'poche i éto devenu tout tiot et plein d' bosses, elle dijo qu' chéto ses rhumatismes qui étotent dedins...
et bin maintenant ch' peux pas m'impècher d'faire pareil... et cha fait bien rire mes gosses....