j arvis
par minloute le, 25/08/2006ouais cha y est cha marche super mais ché pas facile c' soir ou plutot ché amusant, avec l' l aile bosque, j a artrouvé m' n ancienne messagerie que j arrivo pu à ouvrer , alors j a artrouvé des messaches qui datent presque d un an , des messaches que j avo jamais pu lire, ché rigolo d' arlire cha , et y a eune paire ed gins que j' va pouvoir arcontacter pisque j avo leu adresse que sur m' n ancienne messagerie
ah france télécome ché des fameux ceux là , j appelle diminche aprés midi l' line pour ché problemes techniques, oh pour les zavoir té tapes 1 pi té tapes 1 pi t artape cor un chiffe pi un aute, pi int'dit que té va attinte cor eune paire ed mineutes, en fait l' temps pour mi d' finquer deux cigarettes, vous m' direz comme j' fume comme un sapeur cha veut rin dire
j' tompe sur quéqu un d' charmant , j y explique l' situtation du modème, et là cha comminche les testes, alors ravisez chi , quo qu' vous voyez, ravisez là quo qu' ché écrit , et là ouvrez me cha, et dites me c' qui a décrit, freumez chtilale, ouvrer chtichi, arcliquez là, décliquez chi, un vrai parcours du combattant , pi al' fin y dit zinquietez pas in va vous rap'ler dans les 72 heures pour vous dire ch' qui va pas
grand mère hier, grand mère ché m' femme, comme toutes ché femmes ale a acaté in douce in ordinateur portape, ouais ché in rintrant qu' min grand i m' fait eune baisse alors li pour faire eune baisse ché soit que j y donne un billet soit qui a quéquosse à d'minder soit qui a eu quéquosse sinon , rin, tout juste bonjour ,mais ché normal in a tous eu 18 ans, sin bac et sin permis tout neuf
alors chéto l' trosieme solution qu ale éto l' bonne, s' mère ale i avo acaté un ordinateur portape, merci qui m' dit , bin merci pour li qu' j y dis
mais mi j' conno m' femme, ale a du acater aut' cosse, bonne pioche , j'vo troner l' l aile bosque toute neuffe sur ch' meupe d' l ordi
ale appelle hier dinl' foulée oranche , ouais ché ch' nouvio nom et là ale apprint qui a rin d' déclanché pour arfaire des r'cherches sur min modeme, l' colère ale l a cor prisse et ch' matin ché gins d' oranche i sont v'nus raviser tout cha al' mason, chéto ch' modeme qui avo grillé , et in a pu installer l' l aile bosque oranche sur min ordinateur
mi quand qu' j vo qui a des gins comme cha qui travale pas grinmint ché oranche , mi cha m' révolte et que si j y travaillo , tiens aux arsousses humaines, bin j' f'ro un sacré tri ..... j' dis cha , mi aussi j' su dinl' commerce et in est jamais parfait, cha peut arriver