l' coeur d' lion
par minloute le, 26/08/2006j va vous raconter eune histoire qu ale est vraie et qu' achteure quand qu' vous verrez l' publicité ale télé , pinserez à mi , j su sur
bon, j' vous zexplique, jeudi du qui éto minloute ? dinl' montane ! bonne pioche cor
et au matin, j' finis d' préparer min sac, j y mets d' quo à minger, pour l' reste ché fait la vele , et là stupeur, j ouffe el frigo et là j' vo qu' min grand garchon i a passé, i avo bin cor l emballache du fromache ed montane, mais d'dins rin, ché s' n habitute, in peut rin i faire, té peux gueuler, té peux l arfaire déchinte des ' champe , i dit à chaque co que ché l' dernier co, qui a vraimint oublié et pourtant qui a bin arténu c' que j y a dis, cours toujours minloute, i fait toudis parel
donc pas d' fromache ed montane, pi m' n épiciere ale ouffe qu à huit heures au matin et là j' s'rai djà sul' route, alors j eume rabat sul' camembert coeur de lion qui éto intier , j a vérifié
connaissez l' publicité ? ché gins ale campane, pi in a un qui dit "freumer vos bouques et ouvrez vot' nasier, cha ché du camembert"
bon bin mi eune fo arrivé au parking du qu' j allo commincher à marcher avec un camarate, j' sins quéquosse, d abord j' ma dit ché pas possipe que té pues des ortiaux comme cha , t as rin fait , pi chéto eune odeur tenace, oh j a compris vite quand que j a voulu arfermer ch' sac que j avo ouvert, cha v'no d' l ad' dins....d abord min camarate i m a dit ché pas possipe t as du laisser un fromache deut' derniere ballate, ouais cha auro été possipe d' finquer comme cha aprés eune s'maine dins ch' sac, bin nan, chéto ch' coeur de lion qui déjà y rugisso .....
alors quo qu' vous dire, enfin vous devez d' viner, quand que j' marcho avec vint arriere, cha m arrivo dins mes nifflettes, comme si t avo tchié dint' marronne, pour vous dire
et au premier arret, chéto décidé , i fallo li met' eune premiere claque dins' guiffe , pour qui pue moins, oh i éto corsé , faut dire aprés eune heure d'carette pi eune heure ed mi d' marche au fond du sac, i cacho djà à s'sauver del boite alors à sintir terripe, pire que si té fouto tin nez au d' sus del bouillote à inhalation avec eune serviette sut' tiete, mais à minger fameux .....
i a pas resisté , au prochain arret, in l a terminé , mi et min camarate, bin chéto super bon i avo rin à dire, mais si qu' t éto un tchiot peu inrheumé avant , là chéto comme du visque , savez l' pommate qu in metto sul' poitrine quand qu in éto tchiot , chéto comme du visque, mais in fromache
alors mi j' eum' dit , pour tourner l' publicité qui zont fait , in pleine nature, pour que ché zacteurs i zaient l air comme cha tout contints à ouvrer leur bouque ed plaiji mi j' vo qu eune solution, ch' fromache qui zavottent chéto un faux , sinan i s' rottent tous quéu d' inanition par terre ché pas possipe autremint ...