ch' beurre

j eun ' n avo marre dech' beurre que j 'mingeo d'puis eune paire d' années
faut dire que cha a sacrémint évolué, j' me souviens qui i avo ch' beurre et l' margarine, l' margarine ale avo pas bonne réputation, dire qu in l avo imployé surtout pendant l' seconte guerre mondiale, alors chéto synonyme ed sous produit, d' restriction, pire in dijo que chti qui mingeo que l' margarine, ché qui avo pas d'sous pour s acater du beurre
alors j eum' souviens que chéto des cinsiers qui passottent , dont un qui s appelo Abel , avec s' viele traction noire, du qui sorto ché paniers in osier pour aller vire ses clients
un souv'nir qui m arvient comme cha , j avo pas trop ker minger les zeu qu in li acato, pasque quand qu' té raviso au d' sus du panier, té voyo qui zétotent pas tous propes , avec des traces d' sus qu in auro dit du brin .....
bon, j arviens à min beurre et m'margarine, aprés i zont fait d' sacrés efforts , ché margarines in les a treuvé dins des boites in plastique, chéto plus sain, chéto plus léger que ch' beurre, cor eune drole d histoire que l' margarine allégée ale couto plus ker que ch' beurre normal ....
nan , les artours in arriere cha a du bon, mais faut savoir es' limiter mi j 's'ro pret à minger bin un quart ed liffe ed beurre quand ché du beurre ed guérante , du beurre au gros sel
pi ch' t année , grand mère , ale fait ché courses, et as' trompe ed beurre, faut dire ché femmes qui font les courses ché pas terripe, bon in les laisse faire, sinan ale vont vire qu in fait tout al' barraque, mais ale zoublient toudis quéquosse ou as' trompent

là , ale avo pris du demi sel au lieu du doux, bin mi j a ker cha, mais l' revers del médale, ché dès qu' j approche du frigo , y a eune vo qu ale arriffe ed derriere ech' canapé et qu ale dit " t arprints pas du beurre hein"