Les jardinsbientôt la rentrée
par nani le, 29/08/2006la fin des vacances à'm'fait r'pinser aux activités quand j'étos tiote, y avot pas ed' centre ed'loisirs, ni ed nitendo ni d'dessins animés al'télévision à raviser tout l'journée mais cha passot fort vite
in allot din ch'carrot d'terre avec min pére ramasser pétotes où des pos d'chuques! pi avec min cousin ed' Calonne in fabriquot des cerfs-volant, in cachot des fins batôns qu'in metto in croix, l'carcasse avec du journal, pour faire el queue in cachot du liseron (des couronnes) unne' fichelle , ou un restant ed laine à tricoter, tout cha prénot pas mal ed temps pour queqfos un maigre résultat.
In faijot aussi des colliers avec des pépins ed' melon qu'un faisot séquir au soleil, pi in les infilot, et in y passot du vernis à zongle, in avot là un biau bijou! in allot aussi souvint quère ed'l'herbe à lapin
el diminche quand qui faijot biau , tout l'famille in allot à pied à Lorette à travers camps din chés éteuls in avot plein d'griffes à ses gampes mais in n'sé plaignot pas ; min pére y querquot sin vélo avec chez provisions et un'couverture, in juot au mouchoir aprés avoir fait la sieste din la nature!
tout cha ché des bons souv'nirs ed vacances!
