l' armée

mi j a pas été loin faire m' n armée, ché classes à arras , dinl' train, ché les camions et transports ed' matériel , pi aprés à lille al' caserne saint ruth

que temps perdu , eune année compléte, pasque l armée cha m a pas apporté grand cosse vu que j avo djà vécu un bon momint en collectivité in faijant des colonies d' vacances in étant moniteur
j y a rincontré d' tout, comme dans la vie, des tietes bien pleines, pi d autes qui étotent encéphalogramme plat .....
d' tout comme ché gradés, i n avo des sacrés, des fates, d' zalcooliques, des désabusés, des volontaires , enfin d' tout
dire que j a perdu eune année ché vite dit quand meme, vu que heureus'mint j a fait connaissance avec d autes et in s a bien marré durant eune année , chéto long in compto ché jours, in a été surpris d' faire comme les zautes à buquer dins ché portes ou à crier chinq, ou zéro dint' guiffe l' dernier jur
in tout cas in a écumé eune paire ed bistrots à lille et là ché vrai que cha minquo pas, i avo l' matin des revels difficiles mais bon comme in éto pas débordé in travale, cha allo cor
mais ché vrai qui a eu aussi des momints d' blouse du qu on raviso l' soir par l' farniete , les camions am'ner ché pourchiaux à l abattoir et d' vire que ché bietes i sintotent que la mort ale éto là , cha gueulo mes gins et j' peux vous dire qu à l abattoir i zétotent pas particulier'mint délicat pour déchinte ché bietes du camion

lille chéto aussi les bagarres oh cha arrivo d' temps en temps d ailleurs in sorto pu in ville eune semaine avant l' départ d eune classe
mi j' me souviens d' not' départ, cha avo viré au vinaique dins un bistrot avec d autes liberables qui étotent au régiment d' chasseurs del citadelle, là dins ché rues i avo un sacré paquet d' gueules soules

c' qui a fait drole ché quand qu on a fini d' rinte sin paq'tache qu in archoit l' papier qui dit qu in est réserviste, et là té sors en civil dinl' cour, té passes d'vant l' sentinelle et là teut' sint in liberté d un coup quand que t as franchi l' grile pour la derniere fois ....