j'avos pourtant un doute sul passerelle
par Marie-Claire le, 30/08/2006ch' matin j' vas vous l'avouer j'avos un tchiot doute su l' passerelle, pas su l' passerelle mais d' faire quate sujets sur cha, j'em dijos là marie claire té fais un peu fort, i n'a qui vont dire qu' té fais eune fixation là d'sus
eh pis j' viens d' lire l' messache d' JB dins ch' livre d'or, qui est bin contint, ben cha m' rassure, ché vrai qu'in s'rind pas toudis compte, cha peut paraite anodin eune passerelle sncf ou aute cosse d'ailleurs mais cha fait arvénir des tas d' souv'nirs à des gins qui sont expatriés et qui sont aussi bien contints d' vire commint qu' ché achteure
bon j'vas continuer alors su l' passerelle ... non j'rigole, j'vas core juste mette pus tard queques photos d'détals d' chés fresques qui ornent l' passerelle tout l' long
pour chés commerces, dont parle JB, qui étotent in bas del passerelle, i faut vire el sujet d'hier "Grenay, rue Degréaux", dù qu' MCT80 ale in parle
eh pis j'avos pas prévu cha mais du coup in ira prinde l'train al' gare d'main ou un aute jour .... et j'vas mette deux autes photos del rue Degréaux à Grenay, avant d'arriver al' passerelle