le Rexy à Merlimont

in passo d' temps in temps , ou plutot nos parints i savottent nous y am'ner d'vant comme par hasard, in raviso alors l' affiche qui éto souvint sur un tréteau d'vant l' cinéma, j a oublié d' vous dire que l' Rexy chéto l' cinéma d' merlimont plache

quand qu on éto à bruay durant tout l' reste ed l année mi j a pas d' souv'nirs d avoir été tchiot au cinéma , ou alors pas souvint
j' me souviens que l' rexy i faijo des séances supplémentaires l aprés midi quand qui pleuvo, i a des mauvaisses langues qui vont dire qui devottent el faire chaque jour, mais nan , i avo des jurs du qui faijo bio .... mi j' me souviens qui avo un flime ed cowboy avec un indien qui s appelo winetou, et que , l' lend'main, i avo au moins deux winétous d' plus à merlimont , min cousin et mi , sur nos bidets, nos bidets qui étotent d' sacrés tréteaux in bo qu' min mon n onque i s éto servi comme base pour met' des planches ed su pour pouvoir met' ché parpaings deus' mason qui a construit li meme, meme ché parpaings ché li qui les avo fait , avec un moule, un vrai bunker antisismique avant la let' ......

j éto arpassé eune paire d années aprés et j avo vu que sur les cotés du cinéma i zavottent fait des log'mints

in allo al' poisson'rie del plache souvint à celle juste à coté d' l églisse, pasque l' soupe ed pichons mes gins, ale arracho
i avo l' dé d argent , pi aussi , l' cédico qui faijo l' coin en face ed l agence belleville, aprés chéto un marchand d' juets pas chers
i avo aussi ch' restaurant l' sphinx, juste in face du dé d argent , sans oublier l'boulang'rie del place d' l églisse qui éto tenu eune sacrée paire d années par madame carré , ché là qu on allo acater nos gatios , chéto des cygnes avec del creme chantilly
au coin del plache ed l églisse i avo un bistrot l' petit quinquin ,avec eune terrasse sur l' av'nue, pi aussi à l 'aute coin del plache un aut' marchand d' juets