l' exote en 1940
par minloute le, 31/08/2006j va vous raconter chi eune histoire qui m a été racontée par tata simone, l' tante am' femme que j a été vire ech t été
cha s' passe pas dinch' nord , mais comme j' me dis que ché toudis interessant d' mette such' site des sujets comme cha , des sujets que quand ché gins i s'ront pu là bin cha s'ro perdu à tout jamais
m' tante simone ale avo 14 ans en 1940 , i zabitotent paris, ou plutot saint denis , juste au nord ed la capitale, saint denis cha faijo parti del ceinture rouche ed paris comme in dijo, pasque ché banlieues ouvrières qui entourottent paris i zétotent aux mains, ou plutot in va dire sans créer d' polémique, qui zétotent dirigés par des élus communisses
sin père i travaillo dans la presse et quand qui a eu mai 1940 quand ché zall'mands i zont attaqués in france, cha a été l'panique, sin père i a rassemblé l' famile eune paire ed jours à peine aprés qu' ché zalmands i zavottent comminché à trainer leu bottines sur ch' territoire .....
alors i zont d abord rejoints l' journal du que sin père i travaillo, i éto prévu que ché camions d' distribution i so mobilisés pour transporter ché employés et leu famile au sut d' paris, mais eune fo arrivés là bo, pas d' trace ed camions
alors i sont artournés à leu mason, pi l' lend'main i s' sont mis in route, sul' plache adossé à un arpe i avo un copain d' la tante simone qui resto li sur plache, qui leur diso, zallez bientot arvénir
ch' copain là i avo raison , pi y allo d' venir dédé, enfin andré , ch' mari à simone
alors i zont comminchés à déchinte, simone ale a aucun souv'nir del traversée ou du contournemint d' paris, as' souvient qui sont passés à antony au sute ed paris