l' exote en 1940 2

aprés qu in a été survolé par ché zavions, min père i a dit , dès qu in trouffe eune route à gauche , in l' print, in l a fait , in a rencontré moins d' monte ché vrai, mais l' route ale éto pas direque, pi in s a trompé aussi

du fait qu in éto en dehors du flux principal, ché gins qu in rincontro dinl' journée pi surtout l' soir pour couquer , i zétotent moins méfiants et moins exigeants pour d' minder d' l argent pour el couchache

in a arrivé dans un tchiot hotel un soir, i resto qu eune tchiote champe et nous in éto nombreux, min père , m' mère, nous quate, pi des amis, alors i a eune dame qu ale sa approché d' nous et qu ale a proposé d' nous couquer nous ché grantes à leu mason
in y a été , cha nous a fait tout drole d artrouver des draps pi ch' lit y paraisso très grand
l' lend'main in les a armercié et in s est mis in route

min père i suivo les actualités al' radio l' soir , ché gins i s' rassemblotent autour d un poste, mais i n y croyo pu à l' rétablis'mint del' situation
chéto foutu

pi un jour , in approcho du loiret, vla qu in intind qu' ché zal'mints i vont arriver , oh la panique sur ché routes mes gins, chacun i li metto du sien pour avincher plus vite , pour essayer d'les éviter , chéto comme un sine ed desespoir, ou plutot d' survie face au danger

l' soir in éto arrivé dans un tchiot villache , in a trouvé une chambe pour dormir , et là in a appris qu' ché zal'mints i zalotent arriver, là j ai eu peur , pasqui avo des bruits qui courottent et eune phrasse qu ale m est restée "mettez vos files à l abri" , in a pas bien dormi ch'te nuit là
pi au matin, i faijo cor noir dehors in a intindu un grand bruits d' carettes et d'motos qui déboulotent sul' plache

quand que ch' jur i s a l' vé, in a ravisé par ché persiennes, chéto bin les al'mints qui campotent sul' plache, d' autes camions et d autes motos al'mantes continuotent à avincher plus loin

in a comminché à sortir tout douch'mint dans l'matinée ou plutot ché d abord min père, pi m' mère, pi en début d aprés midi nous aussi in a sorti
ché zal'mints i zétotent gentils, d ailleurs i n a un qui voulot toudis printe dins ses bras , claute, claute chéto l' tchiot frère à simone et l' père am' femme, qu au bout d eune paire ed jours m' mère ale ozo pu sortir avec ch' pétit dins les bras car ale avo peur que ch' l al'mint i l embarque avec li
à m' mote qui avo li aussi un tchiot de s' t ache là