juillet 1940 décempe 1940
par minloute le, 31/08/2006eune fo rintré , min père i m a armisse à l école mais cha a été eune catastrophe, d abord j' voulo pu aller à l école, pi j avo plus l' niveau
j avo plus l' niveau pasque min père, aprés l'déclaration del guerre en aout 1939, y m avo invoyé avec m' soeur, dins l' campane dans la creusse, dans une famile d' paysans que j' sais pas commint qui les avo connu
là bo, dins l' campane, l école chéto pas obligatoire, té voulo pas y aller, t y allo pas, pi pour eux chéto des bras en plus pour l' traval, malgré qu in a jamais été exploitées, et que ché gins i nous avottent ker, pasqu in éto polies m' soeur et mi et qu in les aido à faire l' vaisselle ou ch' ménache
pour nous aussi cha avo été un sacré momint d' vagances
pi min père mi avril i nous avo fait arvénir, pour li y avo pas plus d' danger qu avant, donc in rintrant i a pas eu l' temps d' vire ou d' savoir qu in avo pu été à l école d' puis un bon momint
trouver du traval chéto rapite, min père i m a dit ah té veux pu aller à l école , bin j' va t' trouver du boulot, cha a duré quo , eune demie journée, m' mère ale avo croisée sul' palier deux dames qu ale zhabitotent in face ed ché nous et qui travaillotent dans eune usine ed biscuit'rie , et bin j éto imbauché l' soir meme pour commincher l' lend'main
par rapport à pétain, in éto comme tout l' monte , in espéro au début , pi min père, qui éto quand meme communisse, i a vite pris ces distances avec ch' viu comme il l app'lo
les restrictions ché vite arrivé, autant d'pain par personne et par mois , parel pour el viante , pour tout in fait
c' qu in mingeo chéto souvint eune soupe, oh i avo toudis des légueumes ou des épluchures ed dins, i a fallu s habituer à minger moins, à minger beaucoup moins varié, et souvint qu in savo pas au matin quand qu on parto au traval c' qu in allo minger l' soir in rintrant
pour l' midi , i suffiso d un bol d' soupe, pi y avo tous ché biscuits , in avo l' dro d ' printe ceux qui étotent cassés pour les minger, mais faut dire à arnifler toute l' matinée et tous les jours l' meme odeur d' biscuit caud, à forche t as moins invie d' minger , comme si tes narines i mingeotent at' plache