l' exote en 1940 4
par vauthier le, 01/09/2006comme j'l'ai deja dit j'ai été élevé avec mes grands parents et en 40 j'habitais rue d'Anzin (Raymond Deruy) in éto pas loin de Carbolux à l'Bussière
min grand pére qui éto prévenant nous dit un jour in va aller à Dieval, j'sais plus commint y a trouvé une maison mais in a emménagé din ine maison in face dech calvaire, y avo des patures devant, tout cha au cas ou Carbolux y s'ro bombardé.
ed Dieval in veyo ché bombardements, le premier jour j'éto avec em grand mére din ine hayure, je m'rappelle elle avo dit ravisse y lance des crayons in parlant des bombes qui lançottent du coté de Béthune.
ine nuit on l'a passée din ch'bo avec ché gins du village, ché avions y passottent a raz del cime ed ché arbes.
pi un jour y a fallu faire el baluchon et partir sur la route, ché allemands y arrivotent, j'me souviens que min grand pére y m'a mis sur une poussette et nous vla parti sur el route ed Saint Pol
y avo du monde à pied su chel route là, y a jamais du in avoir autant depuis.
à Saint Pol el seul souvenir ché d'avoir dormi din ine cave sur del paille, y avo ine tiote qui a toussé toute el nuit, j'me souviens pas combien ed temps in est resté mais in est arvenu à Dieval
j' m'rappelle que el machine a coudre d'em grand mère elle éto sul pas del porte prête à être embarqué, y in avo qui profitotent del debacle pour s'inrichir, ché peut être les mêmes que plutard in soulevo sin capiau pour les saluer.
souvint j'ai ine pensée pour tous cheux qui actuellement vivent incore ché momints là