j su mate de mate

j a fait un grand tour aujourdhui avec d' sacrés déniv'lés, j a pinsé à vous, si ché vrai, j faijo des photos et j' me diso cha cha pourro faire un fond d écran , chéle là aussi, pi chele là
j a pas rencontré grand monte, ché vacanciers sont arpartis enfin ceux qui ont des jones
j a marché dans des vallons loin des sentiers habituels, d ailleurs i fallo plutot marcher au jugé in ravisant l' carte, pasque ché ch' mins i s arretotent d un coup pi i zarcomminchottent plus loin , ou plus haut
j a vu eune paire ed fos des isards, ché les chamois des pyrénées, sans compter les marmottes, alors cha à la fin j arreto d' les printe en photo , mais chéto eune belle balatte, ptete trop dur pour aujourd hui vu l' caleur qui a fait , y a un momint j éto pas bien, bin heureus'mint qui avo un rocher juste à coté et pas d'monte autour, chauro été parel, oh vinguette, digne d eune bousse ed vaque d'compétition ..... aprés y a fallu arprinte sin rythme, s arreter quand qui fallo pasque j avo pu d' gampes, mais y avo pas d autes moyens, y a pas d arrets d' bus là haut, et quand té pars bin faut arvénir du quel' carette ale est garée ........mais ché aussi d' zépreuffes cha , eune heure avant in pleine forme et là d un coup té scié, mais bon ,eune fo l' derniere montée faite, là té pousse un ouf d' soulag'mint , pas trop fort quand meme, faudro pas qu' cha t armue cor tin vinte minloute, pi aprés chéto eune heure ed d'mie d' déchinte, et la derniere partie , dins les alpaches, j' peux pas trouver d autes mots, i avo eune leumiere rasante, i faijo cor bien caud, et in voyo les bietes qui artournotent dins leur coral , eune bonne journée tout d' meme , pasque les incidents, la fatique, l' suée, bin eune fo artourné at' mason, té garde les meilleux momints