ché magasins d'Fouquières
par Hervé62155 le, 02/09/2006L'aut'jour, j'parlos d'ché chucrates à 1 centime que j'acatos dins l'bas d'el rue Pasteur à Fouquières. Cha m'a rapplé tous ché magasins qu'y avot dins m'rue à mi, el rue Aristide Briand.
Y avot deux boucheries (chez Ducatillon et chez Louf), l'crémerie (chez ?), l'épic'rie (chez Simone Raoul), l'quincaill'rie (chez Deman), l'débit d'tabac qui fésot l'coin avec une impasse(chez ?), l'coiffeur (chez M.Barbier), l'marchande ed'textile/vêtemints (chez Mme Barbier, l'femme dech'coiffeur), un marchand d'télés (chez Gilbert et Yvette)
j'cros pas n'avoir oubliés.
J'sus artourné faire un tour à Fouquières in avril dernier: y a pu un magasin!! L'rue, al'est tout tristounette! Ché magasins, cha mettot d'l'ambiance. Té veyos ché gins del'rue, t'intindos ché potins aussi!! Cha créot des liens.
Achteure, té vas au supermarké, mais ché pu pareil. Té n'vos plus que l'caissière. Vive el'progrès?
Ichi à Merlimont, j'ai la chance d'avoir incor' quelques tiots magasins et j'in profite!