la libération 2

ché à dédé à printe la parole, ou plutot à mi à vous retranscrire fidel'mint c'qui dijo à l époque, dédé y est mort i a tros ans, et l' derniere année des' vie, i avo pu d' souv'nirs , i s' rappelo pu d' grand cosse

ché momints les plus durs chéto dans les voches et du coté d' colmar en hiver 1944

in avo fro chéto pas croyape, pi pour creuser des trous pour es' mette à l abri des balles , impossipe, alors in s' camucho derriere un arbe couché , ou derriere un taillis

et té sais c' qui monte al' télé cha m' fait bin marrer (chéto au momint du qu in voyo al' télé eune série américaine qui raconto l' péripe d eune compagnie américaine, du débarquement jusqu à la fin d' la guerre en al'mane)
y a des coups in s a artrouvé d'vant des régiments ss, vin ché zamérloques, comme i dijo, i s' imbéto pas, i zarculo , et l'lend'main chéto à nous à r'printe l' position qu in avo gagné et ensuite perdue par ché zamerloques

in éto équipé avec du matériel américain, si j a tué des gins durant ch' temps que j éto à l armée, j' cro bin (pi silence) mais chéto eux ou nous , j' la fait sans plaiji , mais i fallo sauver s' pio

mi s' qui m avo mis in rache, ché un coup j éto avec min capitaine, i m avo ker chtilale, j éto sin chauffeur d' temps en temps, et ch' jour là , in éto in train d' inspecter eune mason dans un villache, in s' méfio d' tout, des grenates laissées derriere eune porte, eune mine, enfin tous les pieches qui zaurotent pu laisser avant d' partir, et là in avo fait l' tour et min capitaine i m' dit , allez en ville , pour aller querre des munitions et ram'ner ch' courrier mi j y va
j'monte dinl' jeep, j' demarre , j' fais quo cinquante met' allez in va dire cent met' et j intinds eune explosion, j' continue, j' me dis cha ché un tir ed mortier in tout cas pas quéquosse d important , et in r'venant l' soir , j apprinds qu' min capitaine i avo sauté sur eune mine antipersonnelle in faijant l' tour del barraque