Les jardinsm'n'école ed' Fouquières
par Hervé62155 le, 03/09/2006L’quat’ septempe, ch’est l’rintrée des classes. Mi, quand j’étos in maternelle, garchons et filles allotent in bas del’rue Pasteur, à l’école Curie, juste à côté del’since à Dhallewyn.
Mes maîtresses (d’école !), al’s’applotent Mme Brassart et Mme Becquet.
A l’intrée au CP, j’sus parti à l’école des garchons in haut del’rue Pasteur, l’école Condorcet (Ché filles, al’restotent à Curie). Là, j’ai cor’ eu une maîtresse (j’ai oublié sin nom !), pis après des maîtres : M.Boulet, M.Jamain, M.Lesire et M.Capron (Chti’lal, i étot aussi directeur).
Tous ché gins-là, i m’ont bin appris. Ch’est vrai qu’in c’temps-là, t’allos à l’école pour travailler, pas pour t’arposer ! In n’étot pas toudis sages comme des imaches mais in étot respectueux. In avot peur ed’ché maîtresses et d’ché maîtres. Pourtant, i nous tapotent pas ! J’cros qu’in les respectot seul’mint pasque ch’étot des adultes et, in plus, des instructeurs.
Et pis, à l’maison, y aurot pas fallu critiquer ché gins-là : les parints, i croyotent in eux à 200% !!
Achteure, comme Minloute i l’a dit dins in de ses derniers artiques, l’respect, ch’est pu cha ! Conflit d’générations ? In étot p’têt trop naïfs, nouz’autes !
Quand j’sus arrivé au collège ed’Fouquières, j’savos donc lire, écrire, compter et réfléchir (In saurot pas l’dire quand j’écris in patois !!!). Mais l’collège ed’Fouquières, j’in parl’rai p’têt dins in aut’ artique ! J’vas pas vous assommer plus avec mes vieuz’ries aujourd’hui !
Pour complèter les informations de Hervé62155
http://fouquiereschf.free.fr/histoire/ecoles/marie%20curie.jpg
http://fouquiereschf.free.fr/histoire/ecoles/zola.htm
