Les jardinsles graines ed porion
par minloute le, 05/09/2006zavez djà vu cha mes gins , dins ché gardins ou dans ché camps, quand que j' dis camps , j'devro dire plutot gardins ouvriers
zavez djà vu ché porions qu' ché gins i laissotent pousser, i laissotent poucher soit pour récupérer ché graines, ou alors i zétotent partis en vagances et ché quéques porions rachitiques qui zavotent laichés in terre i zin profitotent pour s' dév'loper
cha faijo comme eune grosse tige qui sorto du porion et qui finicho par eune grosse boule du qui avo ché graines pi par eune tchiote tige
pour ceux qui avotent laichés les porions sans s in occuper , bien fait pour leurs loupes, quant aux zautes qui contotent récupérer ché graines, bin in zin étotent pour leur frais, pasque nous in avo ker ché boules d'porion, que fameux projectile !
et l' fin du fin chéto del' jeter à toute forche conte un mur et là i exploso et té voyo ché graines partir ed partout
