Skating - Compléments aux articles de :
par Divion le, 08/09/2006Minloute le 08/04/2005 et Loumarcel 09/04/2005 -
J'arviens à m'dernières journées passées avec m'mère al mason. J'y ai donc fait lire quèqu' artics et surtout ch'ti d'Skating.
Et v'la qu'sin cerveau y est tout r'tourné, em dit : Mais à côté d'ches cinéma, dancing et patinoire (ch'est là q'ses parents y's sont connus, plus et aimés...) y'avot l'atelier de couture "Confection pour hommes".
S' mère al'y a travaillé de 1932 à 1939 et m'mère de 1938 (el avot 14 zans) jusq'à l' déclaration d'el guerre.
Chétot un atelier d'confection pour hommes jusqu'à fin Juin 1938 ; ed Juillet 38 à Mai 1940 ch'étot d'el'habillement militaire q'y faisotent.
Ch'l'atelier y a fermé définitivement à cette date.
Effectivement Marie-Claire, ale s'attindot pas à voir tous ché souv'nirs. Al pensot pas du tout qu'chétot cha aussi Internet.
Alors maint'nant v'la pas qu'l'virus l'a rattrapée ! Al m'a dit, avant d'arpartir à's mason qu'al va faire travailler chés què'q "neurones" qu'al a encore.
A m'n'avis y dot in rester pluch qu'al crot.