l' service militaire
par minloute le, 08/09/2006i sont in train d' arpinser à un service civil, que gachis, que gachis car in avo tout pour faire cha i a eune paire d années chéto l' service militaire
oh j' vous dis pas que chéto la panacée, mi au service militaire , j' m a innuyé eune année entière, j y a pas appris grand cosse , et chéto vraimint eune année d' perdue
mais j' me dis que si in avo transformé cha en un service civique , ptete que quéqu'mos cha auro pas été eune mauvaise idée
un service du qu in auro appris à faire du secourisme, à artrouver un niveau pour ceux qui saffent pas bin écrire, meme si chéto sous l' autorité militaire, cha auro été pas mal , pour mi ché cha un service civique
mais d un aut' coté j' me méfie d' ché idées là, i n a qui vont dire, bin tous ché jones délinquants in va les met' la d'dins, comme si chéto eune mason d' correction, i vont nin baver et i vont in arsortir comme tout neuf
cha , escusez me , mais j y cro pas eune seconte, ché eune reflexion ed gens nantis cha, si ché pour faire un service civique qui arson'rait pour certains à un bagne, ché pas l' solution, cha s'ro trop simpe mes gins, cha s'ro trop simpe ed pouvoir en queq'mos canger des personnes
pi commint te f'rait l' selection ? par rapport au casier judiciaire ? sur l' guiffe ? et qui l' f'rait ch te selection ?