Les jardinscinq ans
par annie62110 le, 11/09/2006y'a cinq ans, jour pour jour, j'raviso un film al télé avec m' n' homme, quand d'un seul coup, j'ai vu apparaitre sur ch'l'ècran eune tour in train d'bruler, pindant un momint y'a pas eu d'commintaires in s'demindo quoi, et quand un journaliste nous z'a dit qu'un avion éto rintré din eune tour aux états unis
in s'douto même pas core ed l'horreur qui allo suivre, les gins qui allotent s'jeter par ché f'nêtres, l'deuxiéme avion qui allo v'nir s'incastrer din l'deuxiéme tour et l'effondremint d'ché deux z'édifices, in a vécu tout cha in direct, mi cha m'a fait réfléchir al folie des hommes et j'ai compris ch'jour là qu'personne n'éto à l'abri
ch'matin al radio,j'ai intindu qu'un jeune ed 18 ans s'éto fait sauter in irak, in n'peut pas rester insensible à des nouvelles comme cha, ou alors, j'cro qu'l'humanité à l'queurt vraimint à s'perte
et quand in vo qu'nos poubelles al debordent et qu'l'afrique al meurt ed faim, et qu'là bas ché gins y z'ont méme pas d'médicamints pou s' soigner, in va finir par s'deminder si ché pas l'egoïsme qui gouverne ch'monde!!
cheto l'coup d'gueule à annie, d'temps in temps cha fait du bien!!
