Grenay, chés rénovations
par Marie-Claire le, 12/09/2006el photo ale est prisse cité 5 à Grenay del rue Debussy et cha montre ch' coron d'vant qui étot avant l' rue Berlioz , c'te photo ale illustre deux chosses
chés rénovations d' l'arrière d' chés masons, d'abord qu'in a fait querre toutes chés tchiotes dépendances pour rajouter à tertous parel , eun tchiot bout qui agrandit l' mason, j'sus pas rintrée mais in peut imaginer qui a chés toilettes et l'salle de bain et ptete eune tchiote arrière cuisine
et pis cha arjoint l'sujet que j'avos fait l'aute jour sur chés rues des corons coupés, qu'achteure y a dins des cités eune rue sur deux in moins, donc comme in vot su l' photo l'intrée principale de c' te rue qui étot avant l' rue Berlioz, ale est achteure par derrière el mason
mais in plus l' rue ale a été débaptisée, avant y avot qu' des numéros pairs et in vot su l' photo chés numéros 9 et 11, l' 12 rue Berlioz est dev'nu le 11 rue Debussy puisque l'intrée ché dins l' même rue
in parlant d' rénovations j'a vu aussi qu' toutes chés toitures ale zavottent été arfaites dins l' cité 5
( 1 photos)