l'hierpe pour ché lapins
par annie62110 le, 15/09/2006din les zannées cinquante, min pére y él'vo des biétes, in avo des poules et des lapins, mi comme tous ché gosses, j'éto gaga d'vant ché tiots lapins et ché pouchains, mais c'que j'aimo intre tout, ché aller ceuillir ed'l'hierpe l'long d'ché camps derrière el maison, papa y preno s'faucille et un grand sac ed jute et chéto parti cha sinto bon quand y coupo in plus l'long d'ché blés chéto plein d'coqu'licots d'marguerites et d'bleuets
quand ch'sac yeto plein à craquer il l'ram'no à l'maison, et là fallo vire ché tiotes biétes à l'porte d'ché clapiers, al arconnaissotent l'odeur de ch'foin, mi j'aimo bien les nourrir, et j'savo qu'din deux jours in iro core din ché camps !!!