Em' belle file... (S.Colliez)

EM’ BELLE FILE
Chanson de Simon Colliez

L’ jour qu’ min garchon l’a ram’née à l’ maison
J’ savos pas si chétot eune fille ou un garchon
I faut dire qu’ de l’ façon qu’ale étot arnéquée
J’sus sure qui n’a pus d’un qui se s’rot fait roulé

Ale avot un blouson ed cuir noir su sin dos
Des minches tell’mint longues qu’in n’véyot pus ses dogts
Un jean tout déquiré in y véyot ses gampes
Des bottines à ses pieds qui ont fait 39 40

Refrain :
Em’ belle file, em’ belle file, ale a tout tout d’un garchon manqué
Em’ belle file, em’ belle file, ale a rien rien rien d’efféminé
Ché carrémint l’ contraire, l’opposé de m’ belle sœur
Elles ont un point commun, toutes les deux elles font peur
Em’ belle file, em’ belle file, ale a tout tout tout d’un garchon manqué
Ale a tout tout tout d’un garchon manqué


Quant em’ femme ale l’a vue, ed peur ale a crié
Ale n’a queu su sin cul, ché pour vous dire l’effet
Ché vrai que cha surprind au tout premier abord
In a cru qu’ nou gamin il avot viré d’ bord

Refrain :
Em’ belle file, em’ belle file, ale a tout tout d’un garchon manqué
Em’ belle file, em’ belle file, ale a rien rien rien d’efféminé
Ché carrémint l’ contraire, l’opposé de m’ belle sœur
Elles ont un point commun, toutes les deux elles font peur
Em’ belle file, em’ belle file, ale a tout tout tout d’un garchon manqué
Ale a tout tout tout d’un garchon manqué


J’ sais si ché pasqu’ale fait toudis de l’ moto
Ale a ses gampes arquées, ses g’noux qui s’ tournent l’ dos
In plus ale a toudis dins’ bouque un tchiot mégot
In dirot Lucky Luke, il li manque que l’capio

Refrain :
Em’ belle file, em’ belle file, ale a tout tout d’un garchon manqué
Em’ belle file, em’ belle file, ale a rien rien rien d’efféminé
Ché carrémint l’ contraire, l’opposé de m’ belle sœur
Elles ont un point commun, toutes les deux elles font peur
Em’ belle file, em’ belle file, ale a tout tout tout d’un garchon manqué
Ale a tout tout tout d’un garchon manqué