ch'grand René
par annie62110 le, 18/09/2006li j'peux dire qui m'connaicho d'puis m'naissance vu qu'chéto un copain à min pére et l'facteur ed Fouquiéres ou y'a fait tout s'carrière
quand j'éto tiote et qui m' croiso su l'route ed d'l'école y m'diso toudi "viens faire eune baisse à tin pére "chéto min pére d'adoption, yeto aussi contint qu'mes parints d'mes bons résultats à l'ecole
quand j'ai comminché à grandir ché li qui m'am'no mes cartes ed Ste Catherine, alors la chéto l'grand cirque, y voulo pas m'les donner, j'éto trop jeune, fallo qui les donne à min pére, aprés qui m'avotent bin fait inrager, y finissotent par m'les donner, et y essayotent ed lire pa'd'sus m'n'épaule et tous les zans chéto l'même cinéma
si y m'rincontro avec un tiot copain alors la chéto l'grand cirque, j'avo dro à un interrogatoire
quand papa y'est parti finir ses jours din la somme, ch'grand rené li y les a fini là bas aussi à quinze km d'ché min pére
yéto apprécié chéto li aussi eune vraie figure ed Fouquiéres yeto connu d'tout l'monde, chéto René min facteur !!!