des noms qui ont disparu
par minloute le, 22/09/2006j a dja du y faire allusion un coup mais me d'mindez pas du qui est dinch' site, mi j' va d' l avant , l' logistique ché Marie Claire
Cor qu ale s'est arringée Marie Claire, achteure ale fait as' motte sul' site
avant , j' l avo bin dressé , am' demindo chi , am' demindo cha, cor heureux si am' demindo pas si ale pouvo aller aux cabinets eune fo que l' site histoires de chtis i éto ouvert, qu ale avo peur que si ale éto pas là ach' momint là que l' site is' bloque
ale avo installé eune mandoline sous sin sieche pour ché p'tits b'zoins, zavez vu comme qu ale éto, tout pour vous , rin pour elle
achteure ale fait as' mote, ale sa dévergondée, oh cha va pas durer longtimps, j va armette ed l' orde là d'dins ....
bon j arviens à min sujet , chéto ché noms qui ont disparu ou plutot ché noms qu in implo pu , des noms d' vet' mints
un cach'col, un pass' montan', un tricot d' corps, un maillot d'corps, des barteles, des boutons d' manchettes, un capio, eune gabardine, des protech' coudes ....tout cha ringue, in implo pu ché termes là nan mes gins tout y est soit anglais, soit cha vient du bout du monte
té dit pu un maillot d' corps té dis un ticheurte
té dit pu eune maronne glonflante té dis un jodepoure
pi i a des mots qu in dit pu pasqu in les porte pu , imaginez chi , frette qui diro à marie claire "eh grand mère met t' garbardine, i a del pleuffe" ......
nan nan mes gins faut viffe avec sin temps