responsabe du robinet

quand que j éto jone, au mois d' mai ou d' juin et cor fallo qui fasse bio, et qui a pas plu depuis un momint, zallez dire cha fait des sacrées conditions, mais si y a eu pasque j m in souviens
et là l' soir , j avo un role d importance, j éto "responsape du robinet"

responsabe du robinet pasqu in allo arroser ch' gardin

j in r'viens à ché conditions métérorologiques, fallo vraimint qui fasse caud , et que l' reserffe à min père ale so à sec
l' réserffe à min père cha pourro faire un sujet à part intiere cha, j' va vous raconter les souffrances d eum' mere ach' momint là

sam'di aprés midi à partir ed 17 h chéto écrit presque dins la loi del' mason, chéto ach' momint là qu in prenno sin bain
alors nouzaute, m' mère et mi in avo dro à eune grante bassine in plastique jaune, du plus bel effet , que d'dins in metto d' l io caute qu ale avo cauffée ed su ch' fourniau , tout cha dinl' cuisine , qui freumo l' porte et là teut' lavo
bon eune fo que t avo terminé, là m' mère ale appelo min père, qui arrivo tout d'suite sur eune gampe ,(ché eune expression qu' m soeur ale va rigoler) et là mission , em'ner dehors l' bassine pour el verser dins zeune aute viele bassine in fer, pour récupérer l io d' lavache

bon là m' mère ale avo interet à avoir artirer les zobstaques avant qui comminchent à emn'er l' bassine pleine d io déhors sinon chéto sur qu' min père i piquo eune crisse
faut dire que comme chéto eune mission espéciale , t avo pas interet à trainer dins leu gampes ach' momint là, d ailleurs min père i crio tout l' long du parcours "pin pon pin pon " véridique mes gins , m'soeur ale pourro témoigner
aprés chéto min père qui allo s' laver alors i prenno eune aute bassine, eune in fer, vous dire pourquo j in sais rin, ptete que chéto del nostalgie, in tout cas té l intindo s' laver dins l' cuisine, cha faijo bing bong, l io qui armuo dins l' bassine in fer
autant l' bassine in plastique , t avo l' poids d' l io et l' plastique cha allo cor, mais alors l' bassine in fer , t avo l' poids de l io ET del bassine in fer
alors là tous ché musques i zétotent tendus, mi , comme ech' tchien , in prio, in prio qui y aura pas d' probleme , qui zarriv'ront à bin tourner au niveau del porte, que m' mère, ouais d' toute facon si cha allo pas chéto l' faute am' mère, mère courache, si i zayonnottent trop l' bassine l io ale pourro couler à terre et là chéto l' drame

mais bon imaginons que tout i sa bien passé, alors eune fos arrivé à coté d' l aute bassine in fer, min père i preno in séau vite et i écopo l'bassine pour rimplir l aute
pi aprés , din l' semaine i arroso ch' gardin avec l' io savonnée
bin j' do vous dire qu in a jamais été malate et qu in a jamais tchié des bulles (d' savon) aprés avoir mingé des légueumes arrosées par ch' t'io là