Les jardinsPraline
par annie62110 le, 29/09/2006aujourd'hui, j'vas vous parler de m'tiote "praline", j'l'ai app'lée comme cha parce qu'in diro qu'al a trimpé ses pattes din l'chocolat
ché eune tiote chatte siamoise, j'l'ai trouvée din eune cave d'immeuble où s'mére al avo mis bas, cha devo être el laichée pour compte de l'portée al éto sale et maigre
ach't'heure al a onze ans et al rest'ra toudis tiote, mais question caractère, ché eune vraie purée!!
al maison al fait la loi, m'n'autre cat, un chartreux d'trois ans, quatre fos comme elle, y n'a peur, et min kien qui est au moins dix fos comme elle y subit la loi de ch'tiot poison, quand elle a décidé qu'al allo l'laver, y'a intérêt à rester tranquille, ou bien al y colle eune tarte
et avec nous ché parelle, quand in l'ingueule parce qu'al a fait d'travers, al nous répond in ralant, et al nous tourne el dos, là cha fait deux nuits qu'al est in chasse, eune vraie canteuse d'opéra, pour vous dire qu'à l'maison ché pas triste, mais bon!! in l'a ker quand même!!!
( 2 photos)
