les 45 tours à histoires

nous in n a pas connu ché dessins animés à tire l arigot , toute el journée comme achteure, que dire des chaines qui passent que cha
nan, j' vous l a dis, nous in avo dro in s' maine juste avant 20 heures soit al' mason d' toutou, soit l' maneche enchanté, soit nounours et ch' marchand d' sape, aglaé et sidonie, et pi pas grand cosse d aute
ah si l' diminche vers 17 h un tchiot flime d animation avec kiri le cloune, et eune fos par mos , l ami public numéro 1 présenté par pierre tchierna , not' grand onque à tous

alors à la noel, aux zanniversaires, in avo dro souvint à un disque à histoires
in ' avo d' deux sortes, ceux qui racontotent seul'mint eune histoire, t avo qu à acouter , l'plus célépe chéto pierre et le loup ah chtilale i nous a suivi longtimps meme qu in l a vu arvénir, eune fo plus tard qu in étudio l' musique à l école au colléche
pi les zautes, ceux là chéto plus ker, chéto ceux du que té les zouvro i avo eune pochette à l interieur pour l' disque , pi aprés t avo l histoire qu ale éto écrite, i avo d' bio dessins, qui accompagnottent ech' texte, pi j' m in souvins in l écrivant, i avo eune clochette qu in intindo quand qui fallo tourner l' pache
j' me souviens du tchien d' balthazar, chéto eune histoire du tchien des rois maches qui parto al' recherche ed ses maites et quand qui arrivo al' créche du qui avo ch' ti jésus i avo marché tel' mint longtimps qui avo ses pattes plus courtes et ché d' là que l' race des bassets ale a été inventé
i avo aussi l' histoire du vilain p'tit canard , j' l aimo pas trop, pasqui souffro longtemps dans l histoire ech vilain petit canard , i avo frod, i éto mis d' coté par s' mère, ses tchiots frères il' le pinceo parce qui éto vilain, d eune couleur grisse, mais al' fin is' transformo en cygne .....