i zarviennent ....
par minloute le, 03/10/2006cha y est in comminche à n in r'vir, ché chicons i sont d'retour, oh ché pas ché meilleux inch' momint, mais ché eune salate ed fainéant cha, t a qu à passer sous l io, té coupe cha vite fait, bien fait, un morciau d' gousse d ale avec l' vinaigrette et ché parti mon quiqui , tout simpe mais bon
ah j' parle des chicons crus, pasque l' chicon cuit , cha dépint , avec eune sauce béchamelle intourée d' jambon, passé l' tout au four , là ché bon, mais savez faire cuire ché légueume comme cha al' vapeur, et l' minger aprés nan, pas pour mi, j a l impression que i a que d' l io dinch' plat là .......
l automne arriffe, l' soir i arcomminche à faire nuit plus tot, i a comme qui diro un pt'it vent frais, ché zarpes i comminchent à canger bin d' couleur, cha y est , faudra attinte cor eune paire ed mos pour avoir les g'lées, mais in va commincher à argretter l' caleur, in n est jamais contint mes gins, in été in s' dit ah in va minger des chicons et des bonnes potées, pi del soupe, pi au bout d un momint in va ar'commincher à réver à ché salates ed tomates qu in a été gavé tout l été , in est jamais jamais contint .....