Dù qu'i sont, G Dubois S Colliez
par Marie-Claire le, 04/10/2006DU QU’I SONT
Chanson de Guy Dubois et Simon Colliez
Dù qu’i sont tout’s chés compagnies ed’mineurs
Qui allottent ed’ sous terre faire ech’ dur labeur
Au pic, à l’riv’laine, rassaquer ech’ carbon
A l’abattache , au herchache, dù qu’i sont ?
Dù qu’i sont tous les mineurs du grand saquache
A l’bowette, à front ed’ talle, à l’accrochache
Méneux ed’ quévaux, raccomodeux, porions
Nou pères, nou hardis taïons, dis dù qu’i sont ?
Dù qu’i sont chés rires ed’ chés filles à gaillettes
Oubliant leu peines pour einn’amourette
Au moulinache, ouvrant comme chés garchons
Nou lampistes et leu taillettes, dù qu’i sont ?
Refrain :
Dù qu’i sont, i vous d’mind’ront un jour vou gosses
Les souv’nirs ed’ chés gins qui allottent à l’ fosse
Pus d’chevalets, pus d’terrils, et pus d’ corons
O’ vous lamint’rez aussi, dù qu’i sont ?
Dù qui sont tout’s ché compagnies ed’ mineurs
Porions, galibots, calins, ou ingénieurs
Lampistes, filles à gaillettes, carrieux d’ carbon
Nou terrils, nos molettes, dis dù qu’i sont ?
Dù qu’i sont chés bons jones ed douze treize ans,
Au fond pousseux ed’ barrous, les pieds in sang,
Au jour trieux ed’ caillaux et d’bon carbon,
Nou z’archelles ed’ galibots, dù qu’i sont ?
Dù qui sont les Sainte barbe et les ducasses
Les fêtes ed’ famile, les guinces, les fricasses
Loin d’ chés grèv’s et d’ chés accidints du fond
El’tarte à gros bord, les canchons, dù qu’i sont ?
Refrain
Dù qu’i sont les viux corons ed’ chés mineurs
Dù qu’in partageot insonne les bonheurs,
L’amitié all’ s’trouvot sus l’seul ed’ chés masons
Les bons momints à ch’ pignon, dù qu’i sont ?
I sont rintrés dins l’légende ed’ nous sièque
A l’fosse nou pères ont souffert, ont péri
Leu dur’s misères méritent qu’in les respecte
Conservons leu chevalets, et leu terrils